लोग्ने मान्छे भएपछि दिलिप रायमाझीको अनिशासँग रोमान्स

लोग्ने मान्छे भएपछि दिलिप रायमाझीको अनिशासँग रोमान्स

Posted by Nepal News on Sunday, January 25, 2015 0

काठमाडौं । अभिनेता दीलिप रायमाझीको शिर्ष भूमिका रहेको चलचित्र ‘लोग्ने मान्छे’ यही माघ २३ गते देशव्यापी रिलिजको पखाईमा छ । चलचित्र रिलिजको डेट नजिकिदै गर्दा यसको प्रमोशनलाई पनि तिव्रता दिइएको छ । यसक्रममा चलचित्रको एउटा रोमान्टिक गीत हालै सार्वजनिक गरिएको छ । 

हालै सार्वजनिक भएको गीतमा अभिनेता दिलिप रायमाझी र चलचित्रमा नवप्रवेशी कलाकारको रुपमा आएकी अनिशा गुरुङबीच निक्कै जमेर रोमान्स गरेको देखिन्छ । 

चलचित्रको कथामा भने अभिनेत्री नन्दिता केसीँसँग दिलिपले बिहे गर्छन् । नन्दितासँग खुसी हुन नसकेका दिलिप अनिशाको माया जालमा फस्छन् । दुईबीचको रोमान्स अघि बढ्दै जान्छ र त्यहीक्रममा यो गीत प्रस्तुत हुन्छ । यो गीत चलचित्रका निर्देशक लय संग्रौला आफैले लेखेका हुन् । यो गीतमा चेतन सापकोटाको संगीत तथा दीपक लिम्बु र माण्डवी त्रिपाठीको स्वर रहेको छ ।

सयौं टेलिफिल्म निर्देशन गरेको अनुभवी लय संग्रौलाले आफ्नै रोजाईको नारीप्रधान कथालाई चलचित्रमा प्रस्तुत गरेका छन् । 

नारीको संवेदनामा टेलिफिल्म निर्देशन गरेर उनले सफलता पाएपनि चलचित्र निर्देशन भने पहिलो हो । प्रदिप मितलको लगानीमा निर्माण भएको चलचित्र दर्शकको मनमा बस्न सफल हुने निर्देशक संगौलाको आशा छ । तर, दर्शकले रुचाउ छन् या रुचाउँदैनन्, त्यो भने चलचित्र हलमा आएपछि नै थाहा होला ।