ब्यबसायिक यौन सम्र्पकको एसएमएस पठाउने संस्थाले भन्यो– हाम्रो सन्देशलाई गलत बुझियो

ब्यबसायिक यौन सम्र्पकको एसएमएस पठाउने संस्थाले भन्यो– हाम्रो सन्देशलाई गलत बुझियो

Posted by Nepal News on Sunday, December 21, 2014 0

काठमाण्डौ । काठमाण्डौमा किशोर किशोरी ब्यबसायिक यौन सम्र्पकका लागि उपलब्ध छन भन्ने सन्देश पठाएपछि बिबादमा परेको स्वीस गैरसरकारी संस्थाले आफ्नो एसएमएसलाई गलत रुपमा बुझिएको  भन्दै दु:ख ब्यक्त गरेको छ ।

‘हामीले पठाएको एसएमएस सन्देशप्रति केही जनसमुदायमा अन्यथा बुझाइ पर्न गएकोमा हामीले तत्काल अर्काे एसएमएस पठाइ  हाम्रो उद्देश्य र अभियानवारे प्रष्ट पारेका थियौं ।’ बिज्ञप्तिमा भनिएको छ–‘तथापि केहि प्राविधिक कठिनाइका कारण हामीले पठाएको दोस्रो एसएमएस प्राप्त हुनमा केहि ढिलाइ भएको थियो । यस प्रति हामी दु:खित छौं ।’

संस्थाले बिहीबार पठाएको सन्देशमा काठमाण्डौ आसपासमा ब्यबसायिक यौन सम्बन्धका लागि किशोर किशोरी उपलब्ध रहेको भन्दै सम्र्पकका लागि फोन नम्बर दिइएको थियो । नेपाल टेलिकम र एनसेलबाट पठाइएको सन्देशप्रति उच्च सरकारी नियकाबाट चासो ब्यक्त भएपछि त्यसबारे छानविन सुरु गरिएको थियो ।

उक्त संस्थाले भने आफ्नो सन्देशको उदेश्य बालबालिकाको बेचबिखन रोक्न जनचेतना फैलाउने उदेश्यले यस्तो एसएमएस पठाएको जनाएको छ ।