२०१४ अहिलेसम्मकै गर्मी वर्ष

२०१४ अहिलेसम्मकै गर्मी वर्ष

Posted by Nepal News on Saturday, January 17, 2015 0

एजेन्सी । अमेरिकी वैज्ञानिकहरुका अनुसार सन् २०१४ मा अहिलेसम्मकै अत्यधिक गर्मी भएको छ । 

जबदेखि तापक्रमको रेकर्ड राख्न थालियो त्यसयताको रेकर्डलाई हेर्ने हो भने २०१४ मा सबै भन्दा बढी गर्मी भएको वैज्ञानिकहरुको भनाइ छ । 

२०१४ मा दीघकालिन औसतभन्दा ० दशमलब ६८ डिग्री सेल्सियस बढी गर्मी भयो । अमेरिकी अन्तरिक्ष एजेन्सी नासा र राष्ट्रिय सागरिय तथा पर्यावरणीय प्रशासन नोवाका वैज्ञानिकहरुले शुक्रबार जारी गरेको तथ्यांकले २०१४ अहिलेसम्मकै सर्वाधिक गर्मी वर्ष भएको देखाएको हो ।

गत महिना संयुक्त राष्ट्र संघको विश्व मौसम विज्ञान संगठनले १२ महिना अघिको तापक्रमले रेकर्ड बनाउने प्रारम्भिक अनुमान लगाएको थियो ।